Header image header image 2
Mərkəzi Kitabxana
 
KİTABXANA



Şəmkir rayon Mərkəzi Kitabxanasının əsası 1932-ci ildə rayon ziyalıları Mirhəbib Seyidov, Məhərrəm Əliyev və Məmməd Həsənov tərəfindən şəxsi vəsaitləri hesabına təşkil olunmuşdur. Bu ziyalılar kitabxananı iki il ictimai əsaslarla idarə etmişlər.1934-cü ildə kitabxanaya yeni bina və iki nəfər ştat vahidi verilmişdir. Həmin vaxtdan kitabxana rayon Mərkəzi Kitabxanası kimi fəaliyyət göstərir. 1980–ci ildən Mərkəzləşdirilmiş Kitabxana Sistemi kimi fəaliyyət göstərir. Şəmkir rayon MKS-nin 1 Mərkəzi kitabxanası, 95 kitabxana filialı var.
Şəmkir rayon MKS-nin 6 şöbəsi var:
-Abonement
-Oxu zalı
-Metodika və biblioqrafiya şöbəsi
-Komplektləşdirmə və kitabişləmə şöbəsi
-Vahid kitabxana fondunun təşkili, istifadəsi və kitabxanalararası abonoment şöbəsi

-Uşaq şöbəsi
MKS-nin kitab fondu -528298
Azərb dilində 484230
Latın qrafikası ilə 87619
Kiril qrafikası 396611
Rus dilində 44068
Abonement şöbəsi
Bu şöbə rayon ərazisində yaşayan bütün oxucu qruplarına xidmət göstərir.
Oxucuların kitab fondunda daha geniş istifadəsi üçün kataloq sistemi yaradılmışdır. Şöbədə əlamətdar və tarixi günlərə dair sərgilər tərtib edilir və müxtəlif mövzulu kütləvi tədbirlər keçirilir.
Kitab fondu -12169
Azərb dilində-9440
Latın qrafikası ilə-4171
Kiril qrafikası ilə-5269
Rus dilində-2729

Oxu zalı - 30 nəfərlik yerdən ibarətdir. Burada 5 illik dövrü mətbuat və köməkçi kitab fondu oxuculara xidmət edir. Oxu zalından bütün oxucu qrupları istifadə edir.
Mərkəzi kitabxananın kütləvi tədbirləri bu şöbədə keçirilir.
Kitab fondu-3319
Azərb dilində-1694
Latın qrafikası iıə-917
Kiril qrafikası ilə-777
Rus dilində-1625
Metodika və bibloqrafiya şöbəsi
Şöbə MKS-nin bütün filial kitabxanalarına metodiki rəhbərlik edir.Filial kitabxanalarının işini təhlil edir,qabaqcıl iş təcrübəsini öyrənir və kitabxanalarda
tətbiq edir. Metodiki məktublar hazırlayıb kitabxanalara göndərir.Ayda 1 dəfə kitabxana işcilərinin semnar-müşavirələrini təşkil edir.

Komplektləşdirmə və kitabişləmə şöbəsi.
Şöbə MKS-ə yeni daxil olan bütün kitabların qeydini aparır ,onların kitabxana qaydası ilə işlənməsini və filial kitabxanalara göndərilməsini təmin edir.Eyni zamanda həmin kitabların kataloq kartoçkalarını hazırlayb filiallara göndərir.Şöbədə sistemin baş əlifba sistemli kataloqu hazırlanır. MKS –nin fondundan çıxarılan ədəbiyyatın sistemli kataloqdan silinməsi işi ilə məşğul olur.Şöbə filial kitabxanaların dövrü mətbuata abunə yazılmasını təmin edir.
Vahid kitabxana fondunun təşkili, istifadəsi və kitabxanalararası abonoment şöbəsi

Bu şöbə MKS-nin şöbə və filiallarının kitab fondlarının təşkil olunmasını və mühavizəsini təşkil edir.Şöbə kitabxanaların fondlarında artıq nüsxələrin və yararsız kitabların təmizlənməsi,fondda olmayan kitabların başqa kitabxanalarda axtarışını və alınıb oxucuya çatdırılmasını təmin edir.
Kitab fondu -4574
Azərb.dilində-4473
Latın qrafikası ilə-2825
Kiril qrafikası ilə-1648
Rus dilində-78
Xarici ədəbiyyat-23

Uşaq şöbəsi

Bu şöbə rayonun bütün məktəbəqədər və məktəbyaşlı uşaqlarına xidmət göstərir.
Şöbə rayon mərkəzində yerləşən uşaq baxçaları və ümumtəhsil məktəbləri ilə birgə
kütləvi tədbirlərin hazırlanmasını və kecirilməsini təmin edir. Belə tədbirlər uşaqların dünya görüşünü formalaşdırır ,onlarda vətənə,xalqa,torpağa məhəbbət hissi oyadır.
Bu şöbədə oxucular yaş xüsusiyyətlərinə görə qruplaşdırılır.Məktəbəqədər yaşlılar,I-IV siniflər V-VIII siniflər IX-XI siniflər.



QƏDİM ŞƏMKİR ŞƏHƏRİNİN
QALIQLARI

http://www.shamkir-archeo.az
Şəmkir qalasında aparılan tədqiqatlar maraqlı məqamlar üzə çıxarıb. Məlum olub ki, orta əsrlərə aid edilən qala əslində daha qədimdir. Şəmkir şəhərini yadellilərdən qorumaq üçün tikilən qalanın divarlarının eni 3- 3,5 metrdir. Qalanın yaşından daha qədim olmasını üzə çıxaran müxtəlif səbəblər var. Arxeoloji qazıntılar zamanı, qalanın şərq divarı 80 metr uzunluğunda torpaq qalıqlarından təmizlənib. Divarın konstruktiv xüsusiyyətləri dəqiqləşdirilib. IX-XIX əsrə qədər yaşayış məhəllələri öyrənilib. Şəmkir qalası adıyla məşhur olan bu qalanın orta hissəsi mərkəz sayılırmış və şəhristan adlanırmış. Ətraf kəndlər isə rabat adıyla məşhur olub və burda qara camaat məskunlaşıb. Şəhristandan şərqə doğru şəhərin sənətkarlıq məhəllələri yerləşib. Qalanın yaxınlığında 10 tağlı körpünün qalıqları da var.
Arxeoloqlarımız qədim Şəmkir şəhərini dərindən öyrənəcək. Amma iş təkcə tədqiqatla bitməyəcək.
Şəhərin 11-ci əsrdə tikilən minarəsi də bərpa ediləcək. Bütün bu məsələləri müzakirə etmək məqsədilə Şəmkirdə «Birinci respublika arxeoloji irs tarixi və memarlığı» mövzusunda konfrans işə başlayıb. Şəmkirdə keçirilən «Birinci respublika arxeoloji irs tarixi və memarlığı» konfransına 63 alim qatılıb. Onlar 6-cı əsrin yadigarı olan qədim Şəmkir şəhərinin öyrənilməsi ilə bağlı müzakirələr apardılar. Ərazidə müxtəlif dövrləri əhatə edən 750 eksponatın aşkarlandığı deyildi. Qədim Şəmkir şəhərinin hazırda arxeoloji qazıntıların aparıldığı ərazisi qoruq elan ediləcək. Ərazinin topoqrafik xəritəsində qədim Şəmkir şəhərinin 35 hektar olduğu da üzə çıxıb. Şəmkir şəhərinin qədim minarəsinin yenidən tikilməsi də nəzərdə tutulub. Minarə 60 metr hündürlükdə olub. Abidə barədə tarixi mənbələrdə səyyahların fikirlərinə rast gəlinir. Hətta 19-cu əsrdə rus rəssamı Qaqarin minarəni kətan üzərində çəkib. Qazıntılar zamanı aşkar olunan daş kitabədəsə minarənin Hicri tarixi ilə 492-ci ildə inşa olunduğu göstərilib. Qədim minarənin nə vaxt bərpa ediləcəyi hələ məlum deyil. Ancaq gələn ilin yayında arxeoloji qazıntıların davam etdirilməsi nəzərdə tutulur.